דאנערשטאג לך
באריכטן ·
🌴בצל הקודש🌴
=דאנערשטאג לך=
אין די צופרי שעות האט דער רבי זיך פארבינדן טעלעפאניש מיט גיסו האדמו"ר מוויזניץ שליט"א לרפו"ש,
דער רבי האט דורש געווען בשלומו און ווארעם אנגעוואונטשן א רפואה שלימה וגמורה, און דערביי האט האדמו"ר מוויזניץ שליט"א געוואונטשן א ברכת מזל טוב פאר רבינו שליט"א לרגל די שמחת נישואין פון נכד רבינו שליט"א.
פארן דאווענען איז פארגעקומען די ברית לבן הנולד אצל ר' אלכסנדר ישראל מיללער הי"ו ווי דער רבי איז געווען סנדק ומוהל.
און די ברית לבן הנולד אצל ר' יואל ברמ"מ האלפערט הי"ו ווי דער רבי איז געווען סנדק ומוהל.
און די ברית לבן הנולד אצל ר' ארי' לייב לעווי הי"ו ווי דער רבי איז געווען סנדק ומוהל.
דער רבי האט געדאווענט שחרית אין ישיבה גדולה סניף ברך משה.
פארן דאווענען האט דער רבי געלייגט תפילין פאר די בר מצוה בחורים,
ב"ר ישראל עקשטיין הי"ו.
ב"ר יואל יצחק שפיטצער הי"ו.
ב"ר זלמן וואלף גראסבערג הי"ו.
ביים ליינען האט דער רבי עולה געווען שלישי.
נאכן דאווענען האט דער רבי פארגעלערנט א תהילים שיעור אויף קאפיטל ל"ג פסוק ג', ווי דער רבי האט ארומגערעדט איבער די חשיבות און די כח פון ערליכע נגינה, און שטארק ממאס געווען און מעורר געווען איבער די היינטיגע פראסטע ניגונים, מוזיק, און טענץ.
דערנאך איז פארגעקומען א לחיים מיט די בר מצוה בחורים בחדרו הפרטי.
אין די נאכמיטאג שעות איז דער רבי געווען אויף די וועכענטליכע באזוך אינעם בית השחיטה המהודרת.
ארום 6:10 האט דער רבי געדאווענט מנחה בביתו נאוה קודש אויף צאנז קט.
פארנאכטס האט דער רבי מסדר קידושין געווען ביי די חופה פון די מחותנים הרה"ח ר' מרדכי הערש גאלדמאן הי"ו און הרה"ח ר' יואל בר"ה בראך הי"ו אין די זאלן פון כינור דוד.
און ביי די חופה פון די מחותנים הרה"ח ר' נחום קלאגסברוין הי"ו און הרה"ח ר' יואל ברי"ל פייערווערקער הי"ו אין די זאלן פון בית רחל פאראדייס.
נאך די חופות האט דער רבי מנחם אבל געווען הרה"ח ר' משה ווערצבערגער הי"ו פון מאנטריאל ואחיו הרה"ח ר' ליפא ווערצבערגער הי"ו ובני הרה"ח ר' יצחק חיים פריינד ע"ה, היושבים ע"פ אחותם /אמם אלמנת הרה"ח ר' יצחק חיים פריינד ע"ה.
זמני כניסה איז געווען פון 8:15 ביז 11:30 אויפדערנאכט בביתו נאוה קודש אויף איהעל קט.
בעת די זמני כניסה איז פארגעקומען א כתיבת האותיות פאר די ספר תורה וואס ווערט געשריבן דורך הרה"ח ר' דוד ניישטאדט הי"ו פון מאנסי,
דער רבי האט אריינגעשריבן עטליכע אותיות,
עס האט זיך פארצויגן א שיינע שמועס און דער רבי האט געמאכט א לחיים און אנגעוואונטשן פאר הרה"ח ר' דוד הי"ו ובני משפחתו.
דער רבי האט געדאווענט מעריב ארום 9:30 און נאך מעריב ממשיך געווען אויפצונעמען דעם ציבור.
א גוטע נאכט.
~🌴~
