פרייטאג עקב
באריכטן ·
🌴בצל הקודש🌴
=פרייטאג עקב=
פארן דאווענען איז פארגעקומען די ברית לבן הנולד אצל ר' יעקב עהרנטאהל ווי דער רבי איז געווען סנדק ומוהל.
דער רבי האט געדאווענט שחרית אין ת"ת בנין הירש - ג"ב -לאנדא אויף די ראצפערט גאס.
ביים אנקומען האט זיך דער רבי אומגעקוקט אויף די אנגייענדיגע בוי ארבעט ביים דערנעבענדיגן בנין קליין,
דערנאך איז דער רבי אריין צו די תלמידי כתה א' ב' סניף הר"ר דוד פאלקאוויטש שליט"א ווי די קינדער האבן געזינגען ניגוני שבת,
דער רבי האט זיך אומגעקוקט פאר עטליכע מינוט און אנגעווינטשן פאר די קינדער.
דער רבי האט געדאווענט שחרית מיט די תלמידי כתות ו' ז' ח' סניף הר"ר נפתלי הירצקא פריעדמאן שליט"א.
פארן דאווענען האט דער רבי געלייגט תפילין פאר די בר מצוה בחור ב"ר חיים אויש.
נאכן דאווענען איז דער רבי אראפ צו די תלמידי כתות ג' ד' ה' סניף הר"ר יחיאל יצחק שפיטצער שליט"א, ווי עס איז פארגעקומען א מסיבת לחיים,
עס האט אויפגעטרעטן די מנהל שליט"א און פארגעלייגט די לימודים וואס די קינדער גרייטן זיך צו שטעלן צום פארהער סוף יאר, מען האט געזינגען עטליכע ניגונים, דערנאך האט דער רבי געמאכט א לחיים און משמיע געווען קורצע דב"ק און אנגעווינטשן פאר אלע קינדער און פארן בר מצוה בחור.
דערנאך איז מען ארויף צו די תלמידי כתות ו' ז' ח' צום מסיבת לחיים, מען האט געזינגען ווארעמע ניגונים, און מען האט איבער געגעבן די סכום פון 1,340 שעות רציפות וואס די קינדער האבן זיך געגרייט צום באזוך פון רבינו שליט"א, דערנאך האט מען געזינגען חרוזים,
דערנאך האט דער רבי משמיע געווען דברות קודש פאר די קינדער און צוגעענדיגט מיט ברכת קודש פאר די מלמדים און די קינדער.
אין די פארמיטאג שעה'ן איז פארגעקומען א מסיבת לחיים בביתו נאוה קודש לרגל די ארויסגעבן די ספר 'לב אהרן' אויף דברים וואס מיט דעם איז נשלם געווארן גאנץ ספר לב אהרן דרושים ואגדה אויף חמשה חומשי תורה,
דער רבי האט געמאכט א לחיים און ווארעם אנגעווינטשן פאר די עוסקים במלאכת הקודש און בפרט פארן יו"ר להוצאת ספרי רבינו הרה"ח ר' וואלף גליק הי"ו און פארן נדבן ופטרון ספרי לב אהרן עה"ת הרה"ח ר' יעקב זוסמאן סופר הי"ו.
א גוט שבת.
~🌴~
